المساعد الشخصي الرقمي

مشاهدة النسخة كاملة : أنا تغيرت صدقنــــــــــــــــــــــــــي


بلســـمـ
01-31-11, 05:19 PM
أنا تغيرت صدقني
وكل شي فيني اتحوّل
شعوري مات وفارقني
وقلبي ماهو مثل أوّل
قدرت أخدّع أحاسيسي
أجافي دربك وأبعد
أدوس بـ قسوة أشواقي
أعاند لهفتي.. بالصّد
وما أسأل أبد عنك
ولا أفكر بعد أسأل
ولا عن بعدك أستفسر وأتشرّه
هذاك أول !
أنا تغيرت صدقني

***

تعب قلبي من اللهفة
تعب من كثر ما حبك
يسابق نبضه لـ أحضانك
يضم حزنه واهو قربك
ويهدي لك فرح عمره
وتهديه الجفا ومُره
أنا تغيرت صدقني

***

صحيح اني أموت بـ صمت
وانا أمثّل على قلبك
وأموت أكثر إذا حاولت
اتجاهل دفا قربك
أحاول أخفي الدمعة
وأحبسها وسط عيني
وأضحك.. وأنا من داخل
شعوري يحترق فيني
وأصّور لك هناي بدنيا
انت مو مهم فيها
وأبيّن لك باني حيل
مرتاحة.. وأنا فيها
يا ليتك تدري وعارف
بإني أحترق فيها
أنا تغيرت صدقني

***

أبيك تحس وتتغيّر
تحنّن قلبك القاسي
أبي شوقك يصير اعصار
وحبك يخطف انفاسي
أبيك تحبني بـ جنونك
تكسر قلبي بـ احساسك
تتوهني فـ بحر عشقك
تغرقني بـ أنفاسك
وتصرخ للجفا باسمي
تناديني.. تقول آسف
تكررها أنا آسف
أنا آسف.. انا آسف
أنا تغيرت صدقني

***

متى يصحى شعورك بس
متى..؟
مليت من صبري
متى والعمر ما يمهل
وهذي دنيتي تجري
تعبت أصبر..
تعبت أنطر..
وراك أمشي واتعثر
حبيبي ماني مثل أوّل
أنا تغيرت صدقني !
أنا تغيرت صدقني !

هند الخطيب
01-31-11, 10:16 PM
موفق بإذن الله ... لك مني أجمل تحية .

بلســـمـ
02-03-11, 08:03 PM
يسسسسلمو ع المرور

الحصان الاسود
03-16-11, 08:34 AM
موفق بإذن الله ... لك مني أجمل تحية .

بلســـمـ
05-11-11, 10:31 PM
يسلمو للم ــــــــــــــرور